ССНУ пачынаюць прыём дакументаў ад абітурыентаў

Установы адукацыі, якія ажыццяўляюць падрыхтоўку на ўзроўні сярэдняй спецыяльнай адукацыі, сёння пачынаюць прыём дакументаў ад абітурыентаў.

Дакументы прымуць ва ўсіх: у абітурыентаў з агульнай базавай адукацыяй, з агульнай сярэдняй (з прафесійна-тэхнічнай з агульнай сярэдняй адукацыяй), а таксама ў замежнікаў, якія залічваюцца ва ўстановы адукацыі на аснове міжнародных дагавораў.

Прыём дакументаў на базе 9 класаў заканчваецца 3 жніўня. Гэта тычыцца тых, хто паступае на навучанне за кошт сродкаў бюджэту, і тых, хто будзе здаваць унутраныя ўступныя выпрабаванні. У тых, хто паступае на платнай аснове без уступных выпрабаванняў, прымаць дакументы будуць па 14 жніўня.

Прыём дакументаў на аснове агульнай сярэдняй адукацыі за кошт сродкаў бюджэту і для тых, хто здае ўступныя выпрабаванні па спецыяльнасці, будзе праходзіць па 12 жніўня, на платнай аснове без уступных выпрабаванняў – па 17 жніўня.

Уступныя выпрабаванні ў абітурыентаў пасля 9-га класа пройдуць з 4 па 8 жніўня, пасля 11-га класа – з 13 па 15 жніўня.

Залічэнне тых, хто паступае на бюджэт пасля 9-га класа, завершыцца 10 жніўня, пасля 11-га – 16 жніўня. На платную форму навучання абітурыенты з агульнай базавай адукацыяй будуць залічвацца па 16 жніўня, з агульнай сярэдняй (прафесійна-тэхнічнай з агульнай сярэдняй адукацыяй) – па 18 жніўня.

На сельскагаспадарчыя спецыяльнасці ў завочнай форме атрымання адукацыі прыём дакументаў адбудзецца з 1 кастрычніка па 30 лістапада. Уступныя выпрабаванні пройдуць з 1 па 5 снежня, залічэнне завершыцца 10 снежня.

БЕЛТА