Аб раней невядомых фактах у гісторыі Беларусі раскажуць у музеі Масленікава 17 верасня

Да Дня народнага адзінства 17 верасня ў Магілёўскім абласным мастацкім музеі імя П. У. Масленікава адбудзецца культурна-адукацыйнае мерапрыемства «У адзінстве – сіла і лёс!». Аб гэтым паведамілі ва ўстанове культуры.

Як адзначылі супрацоўнікі музея, раней невядомыя факты і дакументы раскрываюць сапраўднае значэнне Гістарычнага ўз'яднання Усходняй і Заходняй Беларусі.  Сухія радкі дакументаў ажывуць у кадрах дакументальнай хронікі, сведчанні жывых відавочцаў тых падзей.

«Матэрыялы мерапрыемства паказваюць, што толькі ў маналітным згуртаванні беларускі народ змог выстаяць у гарніле Вялікай Айчыннай вайны, цяжкія гады акупацыі, супрацьстаяць любым выклікам як у мінулым, так і ў сучаснасці і будучыні», - падкрэслілі суразмоўцы.

Пачатак мерапрыемства ў 14.00. Уваход бясплатны.

Рэд.