У Магілёўскім абкаме БРСМ працуе гарачая лінія для пажылых людзей

Штогод 1 кастрычніка ў краіне адзначаецца Дзень пажылых людзей. У Магілёўскай вобласці ў межах абласной дабрачыннай акцыі «Мы выбіраем дапамогу пажылым людзям» валанцёры руху БРСМ «Добрае сэрца» актывізуюць працу, накіраваную на падтрымку старэйшага пакалення.

У Магілёўскім абласным камітэце БРСМ з 26 верасня працуе гарачая лінія для пажылых людзей.

Заяўку можна пакінуць па нумарах тэлефонаў: 8 (0222) 76-70-49, 8 (0222) 76-67-14. Валанцёры БРСМ гатовы аказаць дапамогу ў дастаўцы прадуктаў харчавання, медыкаментаў на дом, працы па гаспадарцы і дома, добраўпарадкаванні прыдамавых участкаў ветэранам Вялікай Айчыннай вайны, адзінокім пажылым людзям.

Такія мерапрыемствы пройдуць у кожным раёне Магілёўскай вобласці.

Арганізатары дабрачыннай акцыі расказалі:

– Сёння ў рэгіёне налічваецца 386 ветэранаў Вялікай Айчыннай вайны. Дапамогу пажылым людзям аказваюць 3965 валанцёраў з 296атрадаў.

СБ