Ваенкам Магілёўскай вобласці: фэйкамі пра мабілізацыю спрабуюць расхістаць сітуацыю ў краіне (відэа)

У сетцы з’явілася фатаграфія позвы аднаго з бабруйчан, якая выдаецца за доказ нібыта мабілізацыі ў Беларусі. Інфармацыю растлумачыў ваенкам Магілёўскай вобласці: інфармацыя аб мабілізацыі – фэйк!

Аказалася, што позва – сапраўдная, але інтэрнэт-каментарыі да яе – дэзынфармацыя! На думку ваеннага камісара Магілёўскай вобласці Аляксандра Гарошкіна, «такую інфармацыю і каментарыі могуць даваць толькі людзі, якія нічога не ведаюць аб працы ваенкаматаў і сістэме ваеннаабавязаных у Беларусі. Гэтыя людзі спрабуюць расхістаць сітуацыю ў дзяржаве, каб дэстабілізаваць абстаноўку».

«У мірны час адна з задач ваенкамата – улікова-прызыўная і мабілізацыйная праца. У межах гэтай працы рассылаюцца і ўручаюцца позвы прызыўнікам і ваеннаабавязаным, якія стаяць у запасе. Гэта стандартная, руцінная праца», – падкрэсліў ваенкам.

ТРК «Магiлёў»