У Магілёўскай вобласці расце попыт на дровы

Сёлета ў лясгасах Магілёўскай вобласці адзначаецца рост попыту на дровы: за 8 месяцаў гэтага года ўжо рэалізавана амаль 137 тыс. куб. м. Пра гэта карэспандэнту расказалі ў Магілёўскім ДВЛГА.

«За 8 месяцаў бягучага года мы рэалізавалі каля 137 тыс. куб. м дроў насельніцтву рэгіёна. У мінулым годзе за такі ж перыяд было рэалізавана каля 102 тыс. куб. м, працягваем рэалізацыю дроў і арганізацыям ЖКГ – на сённяшні дзень рэалізавана больш за 280 тыс. куб. м», – адзначылі спецыялісты.

Пастаўляюць дровы і гартапам вобласці: для іх за бягучы перыяд гэтага года рэалізавана амаль 70 тыс. куб. м дроў.

Набыць дровы можна ў любым лясніцтве Магілёўскай вобласці. Прадумана некалькі варыянтаў для пакупкі драўлянага паліва. Непасрэдна ў лясніцтве – кошт за кубаметр тут вар’іруецца ад Br8 да Br10. Купіць дровы можна і на прамысловым складзе, тут кошт складае Br15–20 за 1 куб. м. Ёсць варыянт і дастаўкі дроў на дом – кошт кубаметра складае ад Br30 да Br35.

БЕЛТА