У Магілёўскай абласной дзіцячай бальніцы пачалася вакцынацыя супраць грыпу

У Магілёўскай абласной дзіцячай бальніцы пачалася вакцынацыя супраць грыпу. Зрабіць тут прышчэпку французскай вакцынай можа любы жадаючы з 9.00 да 15.00 у будні дзень. Пры сабе неабходна мець пашпарт.

– Мы атрымалі вакцыну французскай вытворчасці «Ваксігрып Тэтра», – удакладніў загадчык кансультатыўнай паліклінікі МАДБ Дзяніс Арлоў. – Гэта вельмі добрая вакцына. Ёй можам прывіваць дзяцей з 6 месяцаў, цяжарных, а таксама людзей, якія маюць спадарожныя паталогіі. З некаторымі арганізацыямі горада ў нас даўно заключаны дагаворы.

Загадчык кансультатыўнай паліклінікі параіў не зацягваць з вакцынацыяй (хоць яна і будзе праводзіцца да новага года), а прыехаць зараз, пакуль няма ўздыму вірусных інфекцый і стаіць добрае надвор’е.

 mogilevnews.by