Інтэрактыўны праект «Пушкін-цэнтр» рэалізуюць у Магілёве да 2023 года. Ён з’явіцца на базе дзіцячай бібліятэкі-філіяла імя А. С. Пушкіна, расказала карэспандэнту загадчыца ўстановы культуры Ганна Шувалава. «Інтэрактыўны праект будзе створаны на базе бібліятэкі на сродкі гранта, які мы выйгралі за перамогу ў конкурсе Фонду «Руский мир», – адзначыла Ганна Шувалава. – Грошы пойдуць на набыццё выставачнага комплексу, які размесціцца ў фае нашай установы. У ім будуць прадстаўлены музейная калекцыя пушкініяны, новых кніг – перавыданняў твораў рускага класіка, роставыя лялькі казачных герояў. Акрамя гэтага, будзе зроблена інтэрактыўная карта з адлюстраваннем месцаў, звязаных з жыццём і творчасцю пісьменніка, і падлогавая мегагульня па сюжэтах пушкінскіх казак».
У праект таксама ўвойдзе шэраг культурна-масавых мерапрыемстваў для розных узроставых катэгорый: экскурсіі «І скрозь стагоддзі і пакаленні ён не стоміцца здзіўляць...», акцыя ў сацыяльных сетках #БеларусьчитаетПушкина, арт-фестываль «Пропуск у Лукамор’е», культурна-асветніцкая акцыя «Бібліяноч з Пушкіным», правядзенне якой запланавана ў Дзень бібліятэк.
«Стварэнне праекта выведзе нашу ўстанову на новы ўзровень падачы інфармацыі аб жыцці і творчасці класіка, дапаможа сучаснаму чытачу па-новаму зірнуць на творчасць Аляксандра Сяргеевіча. Акрамя гэтага, «Пушкін-цэнтр» дапоўніць бібліятэчны фонд і будзе спрыяць папулярызацыі творчасці класіка», – заключыла загадчыца бібліятэкі.
Пры выкарыстанні матэрыялаў актыўная гіперспасылка на mogilev-region.gov.by абавязковая
17.05.2024 - 14:05
Жыхары Краснапольскага раёна прэзентавалі свае дасягненні на фестывалі народнай творчасці ў Магілёве
10.05.2024 - 16:14
Што будзе новага на «Вялікі бард-рыбалцы» у 2024-м распавёў дырэктар музычнага фэсту
10.05.2024 - 10:02
07.05.2024 - 12:44
Выставачны праект «Праўда подзвігу. Перамозе прысвячаецца» стварыў музей Масленікава
03.05.2024 - 09:24