Магілёўскі абласны тэатр лялек у ліку пераможцаў першага Міжнароднага тэатральнага фестывалю-форума «Зіхатлівыя грані тэатра»

Магілёўскі абласны тэатр лялек увайшоў у лік пераможцаў першага Міжнароднага тэатральнага фестывалю-форуму «Зіхатлівыя грані тэатра». Пра гэта паведамілі ва ўстанове культуры.

За спектакль «На дне» па п’есе Максіма Горкага (рэжысёр Ігар Казакоў) спецыяльнай прэміяй «Найлепшая праца мастака» ўзнагароджана аўтар арыгінальнай сцэнаграфіі і лялек Таццяна Нерсісян.

Дарэчы, фестываль праходзіў у Кемераўскай вобласці з 10 верасня па 30 кастрычніка. Усяго ў межах тэатральнага форума адбылося 419 тэатральных падзей, у тым ліку 139 спектакляў у межах конкурснай праграмы, больш за 40 мерапрыемстваў дзелавой праграмы, а таксама тэатральныя лабараторыі, чыткі п’ес і вулічныя спектаклі, акцыі, майстар-класы, літаратурныя ўрокі, адкрытыя абмеркаванні вядучых тэатральных крытыкаў краіны з гледачамі. Мерапрыемствы наведала больш за 30 тысяч чалавек. Удзел у фестывалі-форуме прынялі больш за 100 прафесійных, студэнцкіх, інклюзіўных, школьных, навучальных тэатраў і тэатральных студый з 17 рэгіёнаў Расіі, а таксама з Беларусі, КНР, Казахстана і Чэхіі.

Рэд.