Музей Масленікава прапануе юным наведвальнікам стварыць навагоднюю паштоўку

Навагодняя майстэрня для юных наведвальнікаў будзе працаваць у Магілёўскім абласным музеі імя П. В. Масленікава 27 лістапада з 13:00 да 14:00. Пра гэта паведамілі ў аддзеле навукова-выдавецкай дзейнасці і маркетынгу ўстановы культуры.

Падчас заняткаў дзецям прапануюць стварыць святочную паштоўку.

Як адзначылі суразмоўцы, з пачаткам пераднавагодняй мітусні пара пісаць лісты Дзеду Марозу, упрыгожваць елкі, рыхтаваць падарункі. Дзецям таксама хочацца павіншаваць родных і блізкіх з Новым годам. Ідэальнае рашэнне – гэта выраб паштоўкі: «У наш час усё больш цэняцца падарункі, сувеніры, паштоўкі, зробленыя сваімі рукамі, таму што ў гэтыя вырабы мы ўкладваем сваю душу, свае эмоцыі. Гэта непаўторна і крута, – падзяліліся супрацоўнікі музея. – На нашых занятках можна запазычыць шмат ідэй. Напрыклад, як упрыгожыць навагодні інтэр’ер, зрабіць арыгінальныя ёлачныя ўпрыгожванні, вырабіць віншавальныя навагоднія паштоўкі і падарункі».

Запісацца на заняткі можна папярэдне, патэлефанаваўшы ў буднія дні па тэлефонах: 8 (0222) 71-17-49; 8 (0222) 62-24-25.

Рэд.