Навагоднія кірмашы пачалі працаваць у Магілёве

У Магілёве пачалі працаваць навагоднія кірмашы. Пра гэта паведамілі ва ўпраўленні гандлю і паслуг Магілёўскага гарвыканкама.

Тэматычны гандаль размясціўся на дзвюх пляцоўках – на плошчы Народнага Адзінства і ля гандлёвага цэнтра «Арбат». На кірмашах у шырокім асартыменце прадстаўлены тавары навагодняй тэматыкі: розныя цацкі і ўпрыгожванні, гірлянды, штучныя ёлкі і многае іншае. Усяго тут прадстаўлена 14 суб’ектаў гаспадарання горада.

Кірмашы будуць працаваць да 31 снежня. Рэжым работы – з 9.00 да 19.00 штодня.

БЕЛТА