З-за перакалу печы гарэў прыватны дом у Шклове

За апошнія двое сутак у вобласці адбыліся тры пажары: у Магілёве, Шклове, Круглянскім і Быхаўскім раёне. Пра гэта паведаміла старшы інспектар абласнога ўпраўлення МНС Вольга Нехарошых.

Ад відавочцаў 7 сакавіка ў 11-21 паступіла паведамленне аб пажары легкавога аўтамабіля Volkswagen Polo, прыпаркаванага на вул. Маякоўскага ў Магілёве. Уладальнік аўтамабіля ліквідаваў гарэнне да прыбыцця ратавальнікаў. У выніку пажару пашкоджана прыборная панэль, выбіта шкло. Прычына здарэння высвятляецца. Разгляданая версія - парушэнне правіл эксплуатацыі газавых прылад і агрэгатаў.

8 сакавіка 23-гадовая кватэраздымшчыца прыватнага жылога дома па вул. Садовай у Шклове на ноч старанна тапіла печ, а каля 3 гадзін ночы прачнулася ад задушлівага паху дыму. Гарэла сцяна, ушчыльную да якой прымыкала печ. Дзяўчына паспрабавала ўласнымі сіламі справіцца з узгараннем, аднак агонь хутка набіраў сілу, і яна паспяшалася эвакуіравацца. Ратавальнікі аператыўна ўтаймавалі стыхію. У выніку здарэння пашкоджана сцяна, частка маёмасці ў доме, закураны сцены.

Рэд.