На абласны агляд-конкурс аматарскіх тэатральных калектываў «У далонях маёй Беларусі» тэатр-студыя «Экспромт» пры Шклоўскай дзіцячай школе мастацтваў прадставіў пастаноўку «Афрыка» паводле твора Карнея Чукоўскага. Журы і гледачы цепла прынялі працу.
Па заслугах ацанілі яны і творчасць іншых самабытных акцёраў. Спецыяльным дыпломам у намінацыі «Захаванне памяці аб Вялікай Айчыннай вайне» адзначаны артыст народнага тэатра раённага цэнтра культуры Цэнтралізаванай клубнай сістэмы Краснапольскага раёна Іван Ткачоў.
«Яркім дэбютам» назвалі выступленне аматарскага аб'яднання «Паўлінка» з Мсціслаўскага раёна, у намінацыі «За іронію і вытанчанасць у стварэнні мініяцюры» - народны тэатральны калектыў «Прамень» з Хоцімскага.
Былі і спецыяльныя прызы за лепшую мужчынскую і лепшую жаночую ролю. У першай намінацыі пераможцамі названы адразу два акцёры: удзельнік узорнага дзіцячага тэатральнага калектыву «Сонейка» дзіцячай школы мастацтваў з Чавус Віктар Саўчанка, які ў інсцэніроўцы «Пшанічны каласок» сыграў дамавіка. І бабруйчанін Алег Карпічаў з тэатра NovaEra - за галоўную ролю ў камедыі «Без Ягора будзе гора».
Прэмій за лепшую жаночую ролю таксама аказалася дзве: адна дасталася кіраўніку народнага тэатра эстрадных мініяцюр «Штрых» са Шклова Валерыі Краўцовай, якая сыграла Машу ў спектаклі «Аднойчы мы будзем шчаслівыя», іншая – удзельніцы тэатральнай студыі «Дзівакі» цэнтра культуры Інэсе Крыванос, у спектаклі «Жаночы вулей» пераўвасобіліся ў доктара.
У намінацыі «За ўпэўненасць і адданасць тэатральнаму мастацтву» перамог народны тэатр «Валянцін» Магілёўскага гарадскога цэнтра культуры.
Усяго ў абласным конкурсе аматарскіх тэатральных калектываў «У далонях маёй Беларусі» было больш за 40 удзельнікаў з усяго рэгіёну. Спектаклі яны прадставілі разнапланавыя: класіку (па п'есах Янкі Купалы, Аляксея Дударава), на ваенную тэматыку, сучасныя, дзіцячыя і нават міфалагічную казку. Пасля цырымоніі ўзнагароджання, удзельнікі якой узнагароджаны дыпломамі І, ІІ, ІІІ ступені, фрагменты найлепшых пастановак прадставілі ў выглядзе тэатральнага марафону.
- Агляд-конкурс яшчэ раз даказаў: наш Прыдняпроўскі край багаты на таленты. Будзем і надалей працаваць над захаваннем тэатральных традыцый, – рэзюмавала вядучы рэдактар Магілёўскага абласнога метадычнага цэнтра народнай творчасці і культурна-асветнай працы Крысціна Башарымава.
Пры выкарыстанні матэрыялаў актыўная гіперспасылка на mogilev-region.gov.by абавязковая
20.05.2024 - 18:29
«Быць татам - вялікі гонар і адказнасць». Тэматычную фотавыставу адкрылі ў Магілёве
20.05.2024 - 17:46
Кінаакцыя пройдзе ў Магілёве ў Дзень славянскага пісьменства і культуры
17.05.2024 - 14:05
Жыхары Краснапольскага раёна прэзентавалі свае дасягненні на фестывалі народнай творчасці ў Магілёве
10.05.2024 - 16:14
Што будзе новага на «Вялікі бард-рыбалцы» у 2024-м распавёў дырэктар музычнага фэсту
10.05.2024 - 10:02