RU BY EN 中文
Instagram
Герб Республики Беларусь
МАГІЛЁЎСКІ АБЛАСНЫ ВЫКАНАЎЧЫ КАМІТЭТ АФІЦЫЙНЫ ПАРТАЛ
Герб Могилевской области

Міністэрствы спорту Беларусі і Расіі падпісалі дакументы для актывізацыі двухбаковага супрацоўніцтва

07.04.202314:40

Павелічэнне колькасці сумесных спартыўных мерапрыемстваў, арганізацыя навучальна-трэніровачных збораў, развіццё студэнцкага спорту і рэгіянальнага супрацоўніцтва. Міністр спорту і турызму Беларусі Сяргей Кавальчук і міністр спорту Расійскай Федэрацыі Алег Матыцын падпісалі дакументы па выніках сумеснага пасяджэння калегій міністэрства спорту РФ і міністэрства спорту і турызму РБ, якое завяршылася ў Магілёве.

Адным з найважнейшых пытанняў стала імпартазамяшчэнне.
 
- Каб мінімізаваць негатыўныя наступствы санкцый, трэба нацэліць айчынную прамысловасць на вытворчасць свайго абсталявання, інвентара, экіпіроўкі. Рынак у нас вялізны, - упэўнены Сяргей Кавальчук. - Хочам восенню правесці выставу ў Расіі ці Беларусі, дзе будуць прадстаўлены вышэйпералічаныя ўзоры, і запрасіць туды спартыўную грамадскасць. Нават калі па нейкіх пазіцыях пакуль адстаем ад еўрапейскіх аналагаў, то будзем працаваць і паляпшаць якасць прадукцыі. Галоўнае - пачаць гэты рух.
 
Толькі разам мы можам супрацьстаяць сучасным выклікам, падкрэсліў Алег Матыцын:
 
- Цесна ўзаемадзейнічаем з беларусамі ў плане імпартазамяшчэння. Тут вельмі шмат цікавых напрамкаў, звязаных з вытворчасцю адзення, абутку, абсталявання. У Расіі таксама актывізаваліся многія кампаніі. Так што - усё рэальна!

СБ, фота БЕЛТА

Пры выкарыстанні матэрыялаў актыўная гіперспасылка на mogilev-region.gov.by абавязковая