Кірмаш вакансій пройдзе ў Магілёве 13 красавіка

Кірмаш вакансій пройдзе ў Магілёве 13 красавіка. Пра гэта паведамілі ва ўпраўленні па працы, занятасці і сацыяльнай абароне Магілёўскага гарвыканкама.

Падчас мерапрыемства суіскальнікі змогуць азнаёміцца з актуальнымі для горада вакансіямі, паразмаўляць з прадстаўнікамі арганізацый і прадпрыемстваў абласнога цэнтра, а таксама задаць дадатковыя пытанні адносна прапанаваных вакансій.

На кірмашы актуальныя прапановы для працаўладкавання прадставяць Магілёўскі філіял «Аўтобусны парк № 1» ААТ «Магілёўаблаўтатранс», СЗАТ «Магілёўскі вагонабудаўнічы завод», Завод «Магілёўтрансмаш» ААТ «МАЗ» - кіруючая кампанія холдынгу «БЕЛАВТАМАЗ», ААТ «Зеніт» Булачна-кандытарская кампанія «Дамачай», ААТ «Магілёўліфтмаш», ААТ «Стужка», УУС Магілёўскага аблвыканкама, КВУП «Магілёўзелянбуд», ААТ «Магатэкс», ААТ «МагілёўАтракцыёны» і іншыя.

Пройдзе кірмаш з 11.00 да 12.00 ва ўпраўленні па працы, занятасці і сацыяльнай абароне Магілёўскага гарвыканкама па адрасе: вул. Касманаўтаў, 17.

БЕЛТА