У Магілёве летняй аздараўленчай кампаніяй будзе ахоплена больш як 13,1 тыс. дзяцей

Больш за 13,1 тыс. юных магіляўчан пабываюць гэтым летам у дзіцячых аздараўленчых лагерах усіх тыпаў. Пра гэта расказалі ва ўпраўленні па адукацыі Магілёўскага гарвыканкама.

«У Магілёве ў летні перыяд 2023 года плануецца аздаравіць больш за 13,1 тыс. дзяцей, ці 31% ад агульнай колькасці, - удакладнілі ў гарвыканкаме. - Для параўнання, у 2022 годзе ў аздараўленчых лагерах адпачылі 12 тыс. чалавек, або амаль 29 працэнтаў. На кантролі Магілёўскага гарвыканкама будзе шэсць загарадных аздараўленчых лагераў кругласутачнага знаходжання, у якіх адпачнуць амаль 5,6 тыс. дзяўчынак і хлопчыкаў. Чатыры з іх будуць працаваць у чатыры змены, і дзве - у 5-зменным рэжыме. Больш за ўсё дзяцей плануецца аздаравіць у лагеры «Чайка» Будтрэста нумар 17 (1,4 тыс. хлопчыкаў і дзяўчынак) і «Дубровенка» Магілёўскага аддзялення БЧ (1,2 тыс. чалавек). Акты прыёмкі аздараўленчых лагераў плануецца падпісаць ужо да 20 траўня».

Дарэчы, за кожным загарадным лагерам замацавана ўстанова дадатковай адукацыі, педагогі якой акажуць інфармацыйна-метадычную дапамогу, арганізуюць і правядуць сумесныя мерапрыемствы.

У спартыўна-аздараўленчых лагерах кругласутачнага знаходжання (9-ці і 18-дзённых) плануецца аздаравіць амаль 940 дзяцей - амаль на 250 чалавек больш, чым у мінулым годзе. Такія лагеры будуць працаваць у Чавусах і Горках, а таксама Чавускім, Магілёўскім і Быхаўскім раёнах. Акрамя таго, у 2023 годзе будзе арганізавана 39 лагераў працы і адпачынку амаль для 450 навучэнцаў. Так, сярэднія школы ўжо заключылі дамовы з «Магілёўзелянбудам», Палыкавіцкім сельскім выканкамам Магілёўскага раёна, калгасам «Радзіма» Бялыніцкага раёна. Для параўнання, сярэдні заробак у летні перыяд 2022 года складаў Br185 руб.

У аздараўленчых лагерах дзённага знаходжання летам пабываюць больш як 6,1 тыс. хлопчыкаў і дзяўчынак. Кошт адной пуцёўкі прыкладна складзе Br119 руб., бацькоўская даплата будзе вагацца ў залежнасці ад узросту дзіцяці: дзеці ад 6 да 10 гадоў будуць наведваць лагер бясплатна, 11-13 гадоў - Br8,62, 14-18 гадоў - Br19,24. Усяго з бюджэту будзе выдзелена амаль Br540 тыс., бацькі заплацяць усяго толькі Br42,5 тыс. У 2023 годзе кожная ўстанова агульнай сярэдняй і дадатковай адукацыі арганізуе свой профільны лагер у супрацоўніцтве з МНС, ДАІ, УУС і іншымі ведамствамі. Усяго іх будзе працаваць 48 (у мінулым сезоне - 31).

Нараўне з лагерамі розных тыпаў прадугледжаны і іншыя віды занятасці: студэнцкія і валанцёрскія атрады, вучнёўскія вытворчыя брыгады, працоўныя атрады старшакласнікаў, экспедыцыйныя пошукавыя атрады, катэгарыйныя паходы, аб'яднанні па інтарэсах.

БЕЛТА