Пошукавая экспедыцыя «Дняпроўскі рубеж-2023» стартуе сёння ў Шклоўскім раёне. Пра гэта паведаміў кіраўнік клуба і атрада «Вікру» Мікалай Барысенка.
Як расказаў Мікалай Барысенка, пошукавыя аперацыі пройдуць у Шклоўскім, Дрыбінскім і Горацкім раёнах і прадоўжацца да 1 чэрвеня.
«Асноўныя працы пройдуць у Шклоўскім раёне на месцах цяжкіх баёў у ліпені 1941 года падраздзяленняў 53-й Саратаўскай стралковай дывізіі Чырвонай арміі і нямецкай дывізіі СС «Рэйх», - адзначыў кіраўнік «Вікру».
Мэта экспедыцыі і раскопак на мясцовасці - сумесна з 52-м пошукавым батальёнам пошук, устанаўленне імёнаў і ўвекавечанне памяці загінуўшых і зніклых без вестак воінаў Чырвонай арміі на тэрыторыі Магілёўшчыны, а таксама патрыятычнае выхаванне маладога пакалення.
Удзельнікамі і арганізатарамі экспедыцыі выступілі пошукавы клуб «Вікру» (групы з Асіповічаў, Бабруйска, Шклова і Магілёва), 52 АСПБ ВС РБ, ГУДА «Магілёўскі абласны цэнтр творчасці», Шклоўскі райвыканкам, навучэнцы і педагогі навучальных устаноў гг. Магілёва, Шклова і Шклоўскага раёна - усяго каля 60 чалавек.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
08.05.2024 - 17:03
Следчыя Магілёўскай вобласці на Лудчыцкай вышыні прынеслі прысягу на вернасць Айчыне і народу
06.05.2024 - 14:44
06.05.2024 - 12:24
Ровары і электраровары перадалі сацработнікам Краснаполля (відэа)