Пракурорам Магілёўскай вобласці прызначаны Валерый Куліковіч

Характарызуючы Валерыя Куліковіча, Андрэй Швед адзначыў яго адданасць абавязку і Айчыне, прыстойнасць, здольнасць дакладна вырашаць пастаўленыя задачы, уменне прымаць узважаныя рашэнні, тактоўнасць у адносінах да людзей. Генеральны пракурор уручыў Валерыю Куліковічу пасведчанне і пажадаў пракурору Магілёўскай вобласці стойкасці, мудрасці, рабіць па справядлівасці.

 

Валерый Леанардавіч Куліковіч нарадзіўся ў Ашмянскім раёне Гродзенскай вобласці. Скончыў Гродзенскі дзяржаўны ўніверсітэт імя Я.Купалы па спецыяльнасці «Правазнаўства», затым Акадэмію кіравання пры Прэзідэнце Рэспублікі Беларусь. Сваю працоўную дзейнасць пачаў на пасадзе стажора, потым следчага пракуратуры Ашмянскага раёна Гродзенскай вобласці. Як старэйшы следчы Генпракуратуры расследаваў злачынствы ў сферы арганізаванай злачыннасці і карупцыі. У далейшым працаваў на розных пасадах у цэнтральных апаратах Следчага камітэта і Дзяржаўнага камітэта судовых экспертыз. З 2020 года ўзначальваў упраўленне ўласнай бяспекі Генеральнай пракуратуры Рэспублікі Беларусь. Узнагароджаны медалём «За бездакорную службу» III і II ступеней, ордэнам «За службу Радзіме» III ступені.

 

Аляксандр Чадзюк, які займаў пасаду пракурора Магілёўскай вобласці раней, дазволеныя па заканадаўстве два тэрміны службы (10 гадоў), прадоўжыць службу ў Генеральнай пракуратуры Рэспублікі Беларусь.