Астанкі сямі байцоў Чырвонай арміі перапахавалі ля мемарыяла воінам батальёна міліцыі капітана Уладзімірава ў Магілёўскім раёне. Пра гэта распавёў пісьменнік і гісторык, кіраўнік Магілёўскага абласнога гісторыка-патрыятычнага клуба «Вікру» Мікалай Барысенка.
«Сёння ў вёсцы Гаі Магілёўскага раёна прайшла цырымонія перапахавання астанкаў байцоў Чырвонай арміі, якія былі знойдзеныя летась, падчас экспедыцыі «Батальён», - распавёў ён. - Пошукавыя работы праходзілі на месцах баёў батальёна міліцыі пад камандаваннем капітана К.Г.Уладзімірава і вайскоўцаў 394-га стралковага палка 110-й дывізіі. На наш вялікі жаль, усталяваць імёны чырвонаармейцаў не ўдалося».
Цырымонія перапахавання праходзіла ля помніка байцам батальёна міліцыі капітана К.Г.Уладзімірава. «Мы вырашылі праводзіць перапахаванне менавіта сёння, у знакавы для кожнага беларуса Дзень усенароднай памяці ахвяр Вялікай Айчыннай вайны і генацыду беларускага народа. Месца, дзе праходзіла перапахаванне, - таксама знакавае. І ўсё гэта - наша матывацыя больш працаваць, паднімаць як мага больш байцоў, усталёўваць як мага больш імёнаў. Таму што тысячы чырвонаармейцаў так і засталіся на палях бітваў, а іх родныя да гэтага часу нічога не ведаюць. Для іх вайна яшчэ не скончылася», - падкрэсліў Мікалай Барысенка.
Удзельнікамі цырымоніі перапахавання сталі курсанты Магілёўскага інстытута МУС, пошукавікі і рэканструктары клуба, якія аддалі загінуўшым чырвонаармейцам апошнія воінскія ўшанаванні. У мінулым годзе курсанты міліцэйскай ВНУ дапамагалі пошукавікам праводзіць работы ў вёсцы Гаі.
Пры выкарыстанні матэрыялаў актыўная гіперспасылка на mogilev-region.gov.by абавязковая
18.07.2024 - 10:53
17.07.2024 - 10:34
Электразабеспячэнне пацярпелых ад непагадзі населеных пунктаў Магілёўскай вобласці адноўлена
16.07.2024 - 12:02
Прамыя тэлефонныя лініі пройдуць 20 ліпеня ў Магілёўскай вобласці
16.07.2024 - 09:20
Рэктар БДСГА: у нас больш за 140 пагадненняў з навучальнымі і навуковымі ўстановамі свету (відэа)