Мемарыяльны комплекс «Буйніцкае поле» наведала сям'я Хакімавых з Башкірскай Рэспублікі

Муж і жонка Нінэль і Раміль Хакімавы, разам з дачкой прыехалі на месца, дзе загінуў Пётр Сяргеевіч.

 

- Сёння 12 ліпеня - гэтую дату мы не выбіралі спецыяльна, а аказалася, што гэта легендарны дзень для 388 стралковага палка, у якім ваяваў дзядуля жонкі, - падзяліўся ўражаннямі Раміль Разабовіч. - Калі мы прыехалі ў Магілёў - пайшоў дождж, калі прыехалі на Буйніцкае поле - засвяціла сонца, а калі падышлі да каменя - пачулі звон звана. А яшчэ сёння дзень Пятра і Паўла. Гэта дзень супадзенняў! Выдатны комплекс! Дзякуй беларусам за памяць!