У Магілёве стартавала штогадовая прафсаюзная акцыя «Першы раз - у першы клас»

Магілёўская абласная арганізацыя прафсаюза работнікаў мясцовай прамысловасці і камунальна-бытавых прадпрыемстваў аб'явіла аб старце штогадовай акцыі «Першы раз - у першы клас».

«Напярэдадні новага навучальнага года па ўсёй рэспубліцы традыцыйна рэалізуецца ініцыятыва «Прафсаюзы - дзецям», часткай якой стала акцыя «Першы раз - у першы клас», - расказаў старшыня абласной арганізацыі галіновага прафсаюза Павел Жуйкоў. - Падчас яе правядзення наша арганізацыя і прафсаюзныя пярвічкі акажуць дапамогу бацькам дзяцей-школьнікаў. Асаблівая ўвага будзе нададзена першакласнікам, а таксама дзецям са шматдзетных і няпоўных сем'яў».

Дарэчы, летась па выніках акцыі матэрыяльную дапамогу для падрыхтоўкі да школы атрымалі больш за 900 дзяцей.

БЕЛТА