Абласная летняя спартакіяда ў Магілёве збярэ больш за 250 работнікаў ЖКГ

Абласная летняя спартакіяда ў Магілёве збярэ больш за 250 работнікаў ЖКГ. Аб гэтым расказаў старшыня Магілёўскай абласной арганізацыі Беларускага прафсаюза работнікаў мясцовай прамысловасці і камунальна-бытавых прадпрыемстваў Павел Жуйкоў. Галіновыя спаборніцтвы пройдуць 17 жніўня 21-ы раз. У магілёўскім спарткомплексе «Алімпіец» збяруцца каля 20 каманд. Работнікі ЖКГ рэгіёну будуць спаборнічаць у жаночым і мужчынскім валейболе, гіравым спорце, дартсе, більярдзе, настольным тэнісе, а таксама адчуюць сваю цягавітасць у лёгкаатлетычным кросе.

Паводле слоў Паўла Жуйкова, спартакіяда стала добрай традыцыяй, якая прывівае работнікам прадпрыемстваў і арганізацый цікавасць да спорту і здаровага ладу жыцця. «Арганізацыя спартыўна-масавых і фізкультурна-аздараўленчых мерапрыемстваў абласнога ўзроўню, у тым ліку зімовых і летніх спартакіяд, стала неад'емнай часткай работы галіновага прафсаюза, - адзначыў ён. - Мы праводзім іх сумесна з галоўным упраўленнем ЖКГ Магілёўскага аблвыканкама. Упэўнены, што такія мерапрыемствы фарміруюць камандны дух не толькі на спартыўных пляцоўках, але і на працоўных месцах».

БЕЛТА