У Магілёўскім раёне ўрачыста адкрываецца дзіцячы садок пасля рэканструкцыі і будаўніцтва

Сёння ў Магілёўскім раёне ў 11.00 пачнецца ўрачыстая цырымонія адкрыцця дзіцячага сада аграгарадка Вейна пасля рэканструкцыі і будаўніцтва. У мерапрыемстве прымуць удзел выхаванцы дзіцячага сада, іх бацькі, кіраўнікі ўстаноў адукацыі, прадстаўнікі Магілёўскага аблвыканкама і райвыканкама. Пра гэта расказалі ў Магілёўскім райвыканкаме.

Начальнік аддзела па адукацыі Магілёўскага райвыканкама Наталля Колас адзначыла:

- Актуальнасць урачыстай цырымоніі абумоўлена важнасцю адкрыцця гэтага аб'екта для навучання і выхавання дзяцей, камфортнай і сучаснай арганізацыі іх знаходжання ў дашкольнай установе. Будаўніцтва прыбудовы дазволіла павялічыць праектную магутнасць дзіцячага сада. Калі раней ён мог прыняць 75 выхаванцаў, то зараз - 150. Пасля рэканструкцыі старога будынка, здадзенага ў эксплуатацыю ў 1970 годзе, дзецям стане ў ім значна ўтульней і зручней.

Праграмай урачыстага мерапрыемства запланавана ўручэнне сімвалічных ключоў ад дзіцячага сада, выступленне прадстаўнікоў Магілёўскага аблвыканкама і райвыканкама, будаўнічых арганізацый. Таксама ў праграме - выступленне дзяцей і ўручэнне падарункаў.

СБ