Гандбалісты Беларусі перамаглі расіян у першым дамашнім спарынгу

Гандбалісты зборнай Беларусі абгулялі каманду Расіі ў першым таварыскім паядынку.

Сустрэча ў магілёўскім спарткомплексе «Алімпіец» прайшла з перавагай гаспадароў, якія да перапынку адарваліся ад сапернікаў на 4 мячы - 15:11. У другой палове сустрэчы госці некалькі разоў скарачалі разрыў да мінімуму, але ў выніку падапечныя Юрыя Шаўцова выйгралі з вынікам 32:28. Лепшым у складзе беларусаў стаў Арцём Каралёк, які 6 разоў паразіў вароты сапернікаў.

Другі спарынг беларускіх і расійскіх гандбалістаў пройдзе 3 лістапада ў Гомелі, а 5 лістапада каманды будуць сапернічаць у Мінску. Уваход на ўсе гульні вольны.

БЕЛТА