У Магілёўскім раёне ў рамках акцыі «Ад усёй душы» павіншуюць жыхароў Салтанаўскага дома-інтэрната

9 студзеня ў рамках рэспубліканскай дабрачыннай акцыі «Ад усёй душы» члены Маладзёжнага парламента пры Магілёўскім раённым Савеце дэпутатаў і работнікі культуры раёна павіншуюць жыхароў Салтанаўскага псіханеўралагічнага інтэрната для састарэлых і інвалідаў. Члены Маладзёжнага парламента ўручаць падарункі, а работнікі культуры падораць насельнікам інтэрната навагодні тэатралізаваны паказ. Пра гэта расказала начальнік аддзела ідэалагічнай работы і па справах моладзі Магілёўскага райвыканкама Алеся Купцова.

Гэта новая традыцыя заклікана ўзмацніць сувязь пакаленняў у справах дабра і міласэрнасці.

Маладзёжным парламентам пры падтрымцы аддзела ідэалагічнай работы і па справах моладзі Магілёўскага райвыканкама з 15 снежня па 8 студзеня быў арганізаваны збор падарункаў для маладых інвалідаў і адзінокіх састарэлых людзей, якія жывуць у Салтанаўскім доме-інтэрнаце. Да акцыі далучыліся валанцёры - студэнты факультэта фізвыхавання МДУ ім. Куляшова. Падарункі сабралі самыя розныя, але ўсе прыемныя: навагоднія прысмакі, наборы для творчасці, кнігі для бібліятэкі і шмат іншага. Сябры Моладзевага парламента купілі таксама ў падарунак для маладых інвалідаў з аддзялення суправаджанага пражывання партатыўную калонку і флэш-карту, на якую сабралі лепшыя навагоднія музычныя кампазіцыі.

СБ