RU BY EN 中文
Twitter Instagram
Герб Республики Беларусь
МАГІЛЁЎСКІ АБЛАСНЫ ВЫКАНАЎЧЫ КАМІТЭТ АФІЦЫЙНЫ ПАРТАЛ
Герб Могилевской области

Увага да пытанняў аховы працы ніколі не бывае лішняй - прафсаюзны лідэр з Магілёва

10.01.202415:56
Тэмпературны рэжым, выкарыстанне СІЗ, бяспека работ: Дзень аховы працы правялі на Бабруйскай фабрыцы мастацкіх вырабаў. Удзел у яго рабоце прыняла Магілёўская абласная арганізацыя Беларускага прафсаюза работнікаў мясцовай прамысловасці і камунальна-бытавых прадпрыемстваў.

Галоўны тэхнічны інспектар працы Павел Краўчынскі сумесна з намеснікам дырэктара - галоўным інжынерам Аляксандрам Васільевым і старшынёй першаснай прафсаюзнай арганізацыі Святланай Чырковай правялі абследаванне працоўных месцаў. Асаблівую ўвагу яны ўдзялілі пытанням захавання тэмпературнага рэжыму, выкарыстання работнікамі сродкаў індывідуальнай абароны, арганізацыі выканання работ з павышанай небяспекай, а таксама правядзенню інструктажоў па ахове працы.

Вынікі падвялі падчас круглага стала.
 
- Дні аховы працы на прадпрыемствах - адна з дзейсных форм работы па прафілактыцы вытворчага траўматызму ў працоўных калектывах, - адзначыў старшыня областнай арганізацыі прафсаюза Павел Жуйкоў. — Яе эфектыўнасць шмат у чым абумоўлена практычнай накіраванасцю і правядзеннем непасрэдна на працоўных месцах. Статыстыка няшчасных выпадкаў на вытворчасці сведчыць: увага да пытанняў аховы працы ніколі не бывае лішнім.

СБ

Пры выкарыстанні матэрыялаў актыўная гіперспасылка на mogilev-region.gov.by абавязковая