«Магілёў» абыграў гродзенскі «Нёман» у паядынку хакейнага чэмпіянату краіны

У чэмпіянаце краіны па хакеі ўчора, 11 студзеня, былі згуляны тры сустрэчы 40-га тура. У адной з іх «Магілёў» нечакана апынуўся мацнейшым за гродзенскі «Нёман» - 4:2, тым самым перапыніўшы шасціматчавую серыю паражэнняў.

Акрамя таго, сёння мінскае «Юнацтва» пацярпела паражэнне ад «Гомеля» - 5:6 (у авертайме), а жлобінскі «Металург» выйграў у «Віцебска» - 3:0.

Сёння адбудуцца паядынкі «Брэст» - «Хімік» (Наваполацк), «Дынама» (Маладзечна) – «Ліда» і «Лакаматыў» (Орша) – «Шахцёр» (Салігорск).

Турнірную табліцу экстралігі ўзначальвае «Шахцёр», які мае 66 балаў. Следам за ім паслядоўна ідуць «Віцебск» (64), «Гомель» (58), «Нёман» (54), «Юнацтва» (50), «Металург» (41), «Хімік» (38), «Лакаматыў» (35), «Брэст» (33), «Ліда» (30), «Дынама-Маладзечна» (27) і «Магілёў» (26).

Па выніках рэгулярнага чэмпіянату шэсць лепшых каманд напрамую праб'юцца ў 1/4 фіналу, а тыя дружыны, якія фінішуюць на месцах з сёмага па дзесятае, будуць змагацца яшчэ за два пропускі туды ў раундзе плей-ін. Потым пачнецца стандартны плэй-оф.

 СБ, фота: hockey.by