Біятлонны комплекс у Чавусах рыхтуецца прыняць спаборніцтвы «Снежны снайпер»

Біятлонны комплекс у Чавусах рыхтуецца прыняць абласныя фінальныя спаборніцтвы сярод дзяцей і падлеткаў «Снежны снайпер» на прызы Прэзідэнцкага спартыўнага клуба. А пакуль на старты выйшлі школьнікі раёна, вучні гарадскіх і сельскіх школ. Юныя спартсмены пакуль не маюць вялікіх перамог, але мараць аб пастаменце і медалях. Дапамагчы марам здзейсніцца - галоўная мэта праекта, які аб'яднаў па краіне тысячы біятланістаў-пачаткоўцаў.

Сяргей Карапаеў, настаўнік фізкультуры Каменскай сярэдняй школы:

- Казаў аб тым, што надвор'е дрэннае, можа быць, не будзем ужо выступаць, можа не варта? Яны сказалі: «Ні ў якім разе, мы столькі рыхтаваліся». Усім жадаем удзелу, а нам - перамогі.

Арганізатары спаборніцтваў падтрымалі хлопчыкаў і дзяўчынак - для школ Чавускага раёна набыты новыя лыжныя камплекты. Абновіцца сёлета і біятлонны комплекс. Пасля рэканструкцыі траса стане даўжэйшай, з'явіцца дапятля яшчэ на 1,5 км, што дазволіць прымаць высокага класа спаборніцтва.

Відэа

БТ