БРСМ правядзе 7 лютага адзіны дзень валанцёрскіх інтэнсіваў

Адзіны дзень валанцёрскіх інтэнсіваў для навучання добраахвотнікаў, задзейнічаных на ўчастках для галасавання пройдзе 7 лютага, пра гэта паведамілі ў грамадскай арганізацыі Магілёўскага абласнога камітэта «Беларускі рэспубліканскі саюз моладзі».

Як расказалі ў маладзёжнай арганізацыі, у Магілёўскай вобласці асноўнай пляцоўкай для правядзення інтэнсіва стане Беларуска-Расійскі ўніверсітэт.

У час сустрэчы моладзь навучыцца неабходным навыкам работы з маламабільнымі выбаршчыкамі на ўчастках у час выбараў дэпутатаў Палаты прадстаўнікоў Нацыянальнага сходу восьмага склікання і мясцовыя Саветы дэпутатаў дваццаць дзевятага склікання.

Да інтэнсіву з дапамогай анлайн-платформы падключацца больш за 1 тыс. 500 валанцёраў БРСМ руху «Добрае Сэрца» з усяго Прыдняпроўскага краю. У якасці экспертаў выступяць прадстаўнік праўлення Магілёўскай абласной арганізацыі Грамадскага аб'яднання «Беларускае таварыства інвалідаў»; старшыня Магілёўскай абласной арганізацыі Беларускага Чырвонага Крыжа.

Падчас працы на выбарчых участках валанцёры БРСМ будуць экіпіраваны спецыяльнымі бэйджамі адзінага ўзору.

Навучанне будзе праходзіць па адрасе: Магілёў, праспект Міра 43, Міждзяржаўная адукацыйная ўстанова вышэйшай адукацыі «Беларуска-Расійскі ўніверсітэт», 319 аўдыторыя.

Пачатак у 11.00.

Рэд.