Дзень адчыненых дзвярэй для студэнтаў і навучэнцаў пройдзе ў адміністрацыі СЭЗ «Магілёў»

Інфармацыйна-адукацыйная сустрэча з членамі Маладзёжнага Парламента, студэнтамі і выкладчыкамі ВНУ Магілёва пройдзе 14 лютага ў адміністрацыйным будынку СЭЗ «Магілёў». Пра гэта расказалі ў адміністрацыі свабоднай эканамічнай зоны.

Для ўдзельнікаў сустрэчы прадугледжаны шэраг інфармацыйна-адукацыйных выступленняў і прэзентацый, закліканых азнаёміць запрошаных з дзейнасцю адміністрацыі СЭЗ «Магілёў», роляй кампаній-рэзідэнтаў свабоднай эканамічнай зоны ў эканамічным жыцці рэгіёна. На думку субяседнікаў, такі фармат дасць магчымасць прадставіць асноўныя напрамкі іх дзейнасці і прадукцыю, што выпускаецца, а таксама будзе карысным для прафарыентацыі будучых спецыялістаў.

Госці азнаёмяцца з выставачнай экспазіцыяй рэзідэнтаў СЭЗ «Магілёў», а таксама прымуць удзел у правядзенні круглага стала паміж студэнтамі Магілёўскіх ВНУ і кадравымі службамі рэзідэнтаў свабоднай эканамічнай зоны.

Галіна Гаўрыловіч