Беларускія хакеісты сталі пераможцамі гульняў «Дзеці Прымор'я». У складзе зборнай гуляў магіляўчанін Раман Сёмін

На I Зімовых міжнародных спартыўных гульнях «Дзеці Прымор'я» завяршыліся спаборніцтвы па хакеі.

Турнір па хакеі з удзелам зборнай Беларусі-U16 праходзіў у фармаце 3х3 на пляцоўцы «Фетысаў-Арэны» ва Уладзівастоку. Групавы этап наша каманда прайшла без паражэнняў, паслядоўна абгуляўшы равеснікаў з Сахалінскай вобласці (7:6), Амурскай вобласці (13:0) і кітайскай акругі Цыцыкар (12:0).

На стадыі адной чацвёртай фіналу нашы хакеісты разабраліся з юнацкай зборнай Узбекістана (6:0), а ў паўфінале вырвалі перамогу ў хлопцаў з Хабараўска (4:3). Сапернікам беларусаў па матчы за золата стала каманда Прыморскага краю, рашаючы матч турніру завяршыўся з лікам 4:0 на карысць Беларусі-U16.

Дарэчы, у складзе зборнай Беларусі пад №2 гуляў магілёўскі хакеіст Раман Сёмін.

I Зімовыя міжнародныя спартыўныя гульні «Дзеці Прымор'я» сабралі больш за тысячу спартсменаў з Прыморскага краю і Далёкаўсходняй федэральнай акругі РФ, а таксама Беларусі, Кітая, КНДР і Узбекістана. У складзе нашай дэлегацыі на гульні прыбылі 28 юных атлетаў. У праграму спаборніцтваў, якія завершацца заўтра, увайшлі лыжныя гонкі, сноўбордынг, гарналыжны спорт, кёрлінг, фігурнае катанне, шорт-трэк, хакей і фіджытал-хакей.

Па матэрыялам БЕЛТА, фота НОК Беларуси