Прафсаюзная патрыятычная акцыя «Наша Канстытуцыя» праходзіць напярэдадні 15 сакавіка ў Магілёўскай вобласці. Пра гэта расказаў старшыня абласной арганізацыі Беларускага прафсаюза работнікаў мясцовай прамысловасці і камунальна-бытавых прадпрыемстваў Павел Жуйкоў.
«У гэтым годзе спаўняецца 30 гадоў з дня прыняцця Канстытуцыі Рэспублікі Беларусь, і прафсаюз ініцыяваў да юбілею Асноўнага Закона правядзенне тэматычнай акцыі, - адзначыў Павел Жуйкоў. - У першую чаргу, яна ўключае працу на месцах, у першасных прафсаюзных арганізацыях: правядзенне збораў у працоўных калектывах, прысвечаных Канстытуцыі, інфармаванне працаўнікоў аб гісторыі развіцця канстытуцыйнага заканадаўства ў нашай дзяржаве і асноўных палажэннях гэтага дакумента, афармленне патрыятычных куткоў, размяшчэнне адпаведнай інфармацыі на стэндах арганізацый».
Асаблівая ўвага будзе ўдзелена моладзі: у шэрагу арганізацый адбудзецца ўрачыстае ўручэнне маладым спецыялістам кніг з тэкстам Канстытуцыі. «Сёння выключна важна праводзіць гэту работу ў працоўных калектывах, бо кожны прадстаўнік нашага грамадства павінен быць знаёмы з асноўнымі пастулатамі абноўленага два гады таму Асноўнага Закона краіны, які ўмацаваў прынцыпы народаўладдзя», - сказаў на заканчэнне прафсаюзны лідэр.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 12:02
Прамыя тэлефонныя лініі пройдуць 20 ліпеня ў Магілёўскай вобласці
16.07.2024 - 09:20
Рэктар БДСГА: у нас больш за 140 пагадненняў з навучальнымі і навуковымі ўстановамі свету (відэа)