Завяршыўся першы этап адкрытага Рэспубліканскага конкурсу дзіцячага малюнка «Нам мір завешчана берагчы», прысвечанага 80-годдзю вызвалення Рэспублікі Беларусь ад нямецка-фашысцкіх захопнікаў, ініцыяванага Дрыбінскай раённай ветэранскай арганізацыяй.
Конкурс закліканы мастацкімі сродкамі малюнка прадоўжыць работу па захаванні і ўвекавечанні памяці, гераізму і мужнасці савецкіх воінаў у гады Вялікай Айчыннай вайны, а таксама памяці аб ахвярах вайны і халакоста на тэрыторыі Беларусі.
На суд журы было прадстаўлена 24 работы, з якіх неабходна было адабраць прызёраў у кожнай з трох узроставых катэгорый. Выбраць з іх лепшыя - вельмі складана: улічвалася іх адпаведнасць тэматыцы конкурсу, арыгінальнасць, якасць і выразнасць выканання.
У выніку доўгіх абмеркаванняў пераможцам 1 этапа конкурсу на раённым узроўні ў малодшай узроставай катэгорыі (7-9 гадоў) стала Мілана Аўсяннікава з Цемналескай базавай школы. У катэгорыі 10-12 гадоў лепшай прызналі працу Віялеты Ганчаровай, вучаніцы Кароўчынскай сярэдняй школы.
У старэйшай катэгорыі (13-15 гадоў) пераможцам прызнана работа Валерыі Бяззубенкі з Расненскай сярэдняй школы.
Работы школьнікаў будуць адпраўлены на абласны этап творчага спаборніцтва.
Пры выкарыстанні матэрыялаў актыўная гіперспасылка на mogilev-region.gov.by абавязковая
08.05.2024 - 17:03
Следчыя Магілёўскай вобласці на Лудчыцкай вышыні прынеслі прысягу на вернасць Айчыне і народу
06.05.2024 - 14:44
06.05.2024 - 12:24
Ровары і электраровары перадалі сацработнікам Краснаполля (відэа)