Два пажары ў Бабруйскім і Шклоўскім раёнах адбыліся за суткі ў вобласці. Работнікамі МНС выратаваны 2 жылыя дамы. Пра гэта паведамілі ў Магілёўскім абласным УМНС.
Так, 3 красавіка днём 64-гадовы жыхар в. Вялікая Камароўка Шклоўскага раёна, распаліўшы ў печы, пайшоў у госці да аднавяскоўцаў. Ушчыльную да печы стаяла канапа, на якой ляжалі розныя рэчы. Пакуль мужчына адсутнічаў, ад гарачай печы пачалося тленне рэчаў і канапы. Падазроны дым з-пад даху ўбачыў сусед і выклікаў ратавальнікаў. Дом удалося зберагчы ад агню, але рамонту не пазбегнуць.
У гэты ж дзень у службу МНС патэлефанавала ўсхваляваная жыхарка вёскі Баршчоўка Бабруйскага раёна і паведаміла, што ў яе доме пажар. Праз лічаныя хвіліны ратавальнікі прыбылі да месца выкліку: гарэў дах двухпавярховага дома. Гаспадары знаходзіліся на вуліцы. Ніхто не пацярпеў. У выніку пажару часткова пашкоджаны дах, перакрыцці і маёмасць у доме на 2-м паверсе. Прычына здарэння высвятляецца. Як мяркуецца, пажар пачаўся з-за парушэння правілаў мантажу і ўладкавання электрасетак і электраабсталявання.
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.05.2024 - 16:09
20 мая в Могилеве состоится гала-концерт и награждение участников конкурса «Арт-шанс»
16.05.2024 - 10:56
16.05.2024 - 09:49
15.05.2024 - 17:12
15.05.2024 - 16:59
Прамыя тэлефонныя лініі пройдуць у Магілёўскай вобласці 18 мая