RU BY EN 中文
Instagram
Герб Республики Беларусь
МАГІЛЁЎСКІ АБЛАСНЫ ВЫКАНАЎЧЫ КАМІТЭТ АФІЦЫЙНЫ ПАРТАЛ
Герб Могилевской области

У Магілёўскай вобласці ўпершыню правялі адзіны дзень цяжарных

10.04.202415:25

У Магілёўскай вобласці ўпершыню зацвердзілі правядзенне свята Адзінага дня цяжарных - 7 красавіка і 7 кастрычніка, праінфармавала прэс-служба Міністэрства аховы здароўя. Мэта - падтрымка мацярынства, умацаванне традыцыйных сямейных каштоўнасцей, гарманізацыя ўнутрысямейных адносін.

У Магілёўскім аблвыканкаме зацверджаны план мерапрыемстваў, згодна з якім рознымі структурнымі падраздзяленнямі Магілёўскага аблвыканкама запланавана правядзенне на працягу некалькіх дзён шырокамаштабных мерапрыемстваў. Гэта прэс-мерапрыемствы, прамыя тэлефонныя лініі, кансультаванні цяжарных, экскурсіі, выставы, кінамерапрыемствы.

Напрыклад, у Клімавіцкай цэнтральнай раённай бібліятэцы імя Івана Пехцерава напярэдадні свята для мам і тых, хто плануе цяжарнасць прайшла Гадзіна жаночага здароўя «Няхай жыве новае жыццё!».

Загадчык аддзела абслугоўвання і інфармацыі і кіраўнік Клуба традыцыйных славянскіх каштоўнасцей Вольга Максімовіч расказала пра важнасць сям'і і мацярынства, заклікала захоўваць і адраджаць сямейныя каштоўнасці:
 
- Сёння вельмі важна праяўляць любоў і павагу адзін да аднаго, - адзначыла яна. - Дэманстраваць каханне і клопат, дапамагаць і падтрымліваць блізкіх, паважаць традыцыі і культуру сваёй сям'і. Несці адказнасць за ўласныя дзеянні і ўдзельнічаць у жыцці сям'і. Гэта дапамагае стварыць еднасьць.

Вольга Віктараўна расказала пра цудатворны абраз Багародзіцы «Памочніца ў родах», які са старажытных часоў шануецца парадзіхамі. У XIX стагоддзі многія сем'і мелі гэты абраз у доме. Да яе звяртаюцца тыя, хто хоча спазнаць шчасце мацярынства і папрасіць дапамогі ў родах.
 
У цёплай утульнай атмасферы з будучымі матулямі пагутарыла акушэрка жаночай кансультацыі УАЗ Клімавіцкай ЦРБ Ала Данека. Спецыяліст расказала аб тым, як жанчыне падрыхтавацца да родаў, што ўзяць з сабой, на што трэба абавязкова звярнуць увагу і як настроіць сябе, каб гэта падзея была мінімальна траўміруючая і прыносіла больш пазітыўных эмоцый. Ала Міхайлаўна адказала на шматлікія пытанні, закранула важныя тэмы аб здароўі будучых мам і іх малых, а таксама прадставіла карысныя кансультацыі, рэкамендацыі і практычныя парады.

СБ

Пры выкарыстанні матэрыялаў актыўная гіперспасылка на mogilev-region.gov.by абавязковая