У Магілёве 1 траўня прафсаюзы арганізуюць бясплатнае катанне на каруселях

Бясплатныя каруселі будуць працаваць 1 траўня ў Магілёве. Такі падарунак зробяць гараджанам прафсаюзы Магілёўскай вобласці ў свята, прысвечанае Дню працы. Традыцыйная акцыя «Прафсаюзы – дзецям» пройдзе адразу ў двух месцах. Пакатацца на каруселях можна будзе і ў гарадскім парку адпачынку «Паднікалле», і ў парку атракцыёнаў на Пушкінскім праспекце.

Старшыня Магілёўскага абласнога аб'яднання прафсаюзаў Уладзімір Цумараў зазначыў, што ўжо стала добрай традыцыяй на 1 Мая арганізоўваць вялікае свята для дзяцей і іх бацькоў:

- Так, у гарадскім парку атракцыёнаў для маленькіх гараджан з 11:00 да 14:00 будуць працаваць тры бясплатныя атракцыёны. Гэта адны з самых папулярных – «Трамплін», «Рамонак» і «Лебедзі».

Акрамя таго, у гарадскім парку «Паднікалле», дзе плануецца вялікае свята працы, з 10:00 да 15:00 будуць бясплатна працаваць батуты.

Ирина Менделева, СБ