Міхаіл Жудро: удзел у VII Усебеларускім народным сходзе накладвае падвойную адказнасць і падкрэслівае значнасць

Раніцай 24 красавіка дэлегацыя Магілёўскай вобласці выехала ў горад Мінск для ўдзелу ў гістарычнай падзеі - першым пасяджэнні VII Усебеларускага народнага сходу ў новым канстытуцыйным статусе. Сярод удзельнікаў - прадстаўнікі вертыкалі ўлады, дэпутаты, медыкі, педагогі, аграрыі, работнікі прамысловасці і культуры, ветэраны, моладзь.

Як адзначыў рэктар Магілёўскага дзяржаўнага абласнога інстытута развіцця адукацыі, дэлегат VII Усебеларускага народнага сходу Міхаіл Жудро, сход будзе сёмы, але ў канстытуцыйным статусе ён пройдзе ўпершыню: «Гэтую значную падзею са мной падзялілі мае калегі.

Мы разумеем, што на ВНС ускладзены важнейшыя функцыі па вызначэнні стратэгічных напрамкаў развіцця грамадства і дзяржавы, забеспячэнні непахіснасці канстытуцыйнага ладу і грамадзянскай згоды. Таму ўдзел у такой высокай падзеі накладвае падвойную адказнасць і падкрэслівае значнасць».

Галіна Гаўрыловіч, фота аўтара