Раённы конкурс прафесійнага майстэрства «JuniorSkills» прайшоў у Мсціславе

Раённы конкурс прафесійнага майстэрства «JuniorSkills» прайшоў у Мсціславе 3 мая.

225 навучэнцаў устаноў агульнай сярэдняй адукацыі розных узроставых катэгорый прадэманстравалі свае прафесійныя ўменні і навыкі ў пяці кампетэнцыях: «Будаўніцтва і будаўнічыя тэхналогіі», «Творчыя прафесіі», «Кулінарнае і кандытарскае мастацтва», «Інфармацыйныя тэхналогіі», «Аграномія».

У мерапрыемстве прынялі ўдзел старшыня Магілёўскага абласнога Савета дэпутатаў, член Савета Рэспублікі Нацыянальнага сходу Рэспублікі Беларусь Аляксандр Гарошкін, начальнік галоўнага ўпраўлення па адукацыі Магілёўскага аблвыканкама Андрэй Заблоцкі, старшыня Мсціслаўскага райвыканкама Дзмітрый Пімашэнка, старшыня Мсціслаўскага раённага Савета дэпутатаў Алена Клеянкова.

Правядзенне конкурсу ў такім фармаце дае магчымасць канкурсантам выкарыстоўваць свае сілы ў даступных відах дзейнасці, прайсці прафесійныя пробы, дасць магчымасць уключыць у раннюю прафарыентацыйную работу ўсе катэгорыі навучэнцаў, а сумесная дзейнасць садзейнічае развіццю інклюзіўных працэсаў у раёне.

mogilevnews.by