«Тэлевяршыня-2024»: лепшым журналістам рэгіянальнага тэлебачання стала Віталіна Петрусевіч

Перамогу ў намінацыі «Журналіст рэгіянальнага тэлебачання» ХV Нацыянальнага тэлевізійнага конкурсу «Тэлевяршыня» атрымала рэдактар аддзела падрыхтоўкі тэлевізійных праграм тэлерадыёкампаніі «Магілёў» Віталіна Петрусевіч.

Што асабліва прыемна, узнагароду яна атрымала з рук старшыні праўлення Беларускага саюза журналістаў Андрэя Крывашэева:

- Рэгіянальныя тэлевізіёншчыкі - плоць і кроў нацыянальнай журналістыкі, глыбіня і размах медыяландшафту, невычэрпная крыніца талентаў для рэспубліканскіх і міжнародных тэлеканалаў. Але самае галоўнае ў гэтай намінацыі і ўвогуле – наша любімая Беларусь на рэгіёны не дзеліцца, наша вялікая краіна з іх складаецца. Шчыра ў гэтым упэўнены.

Пераможца намінацыі Віталіна Петрусевіч расказала пра свой шлях на тэлебачанне:

- Мой шлях у гэтай нялёгкай сферы пачаўся роўна два гады таму. Роўна такая ж пятніца, мае калегі з'яжджалі ў Мінск забіраць свае «Тэлевяршыні». І вось на гэтай сцэне стаю я. Упэўнена, што гэта агульная ўзнагарода, бо тэлерадыёкампанія «Магілёў» тады паверыла ў мяне. Мяне ўзялі без досведу працы, без профільнай адукацыі. І вось што атрымалася. У рэгіёнах ёсць усё, каб стаць вядомым, прафесійным журналістам. Дарогу здужае ідучы, і тады нават Прэзідэнт будзе глядзець вашыя праграмы, як гэта высветлілася ў аўторак на медыяфоруме. Дзякуй за ўзнагароду.

 СБ