Заданні ЦТ па беларускай і рускай мовах выконвалі больш за 9,6 тыс. абітурыентаў

Цэнтралізаванае тэсціраванне па беларускай і рускай мовах прайшло 30 мая ў Беларусі. Яго выкананнем пачалі 9665 абітурыентаў. Пра гэта паведамілі ў Міністэрстве адукацыі.

30 мая выпускнікі школ мінулых гадоў і выпускнікі каледжаў прайшлі цэнтралізаванае тэсціраванне па беларускай і рускай мовах. Для ўдзелу ў ЦТ зарэгістраваліся 11190 абітурыентаў. З агульнай колькасці экзаменуемых 15,7 працэнта праходзілі выпрабаванні ведаў па беларускай мове, 84,3 працэнта - па рускай мове.

«Правядзенне ЦТ было арганізавана ў 39 пунктах. Яго выкананнем пачалі 9665 абітурыентаў, не з'явіліся 1525 чалавек (13,6%). У ходзе ЦТ выдаленых з аўдыторый абітурыентаў не было. Адзін абітурыент не завяршыў ЦТ па стане здароўя», - удакладнілі ў Мінадукацыі.

Як паведамлялася раней, 30 мая выпускнікі ўстаноў агульнай сярэдняй адукацыі 2024 года здавалі цэнтралізаваныя іспыты па беларускай і рускай мовах. Інфармацыю аб выніках ЦЭ ці ЦТ можна будзе атрымаць на сайце Рэспубліканскага інстытута кантролю ведаў. Сертыфікат удзельніку ЦЭ выдадуць у яго ўстанове агульнай сярэдняй адукацыі пад подпіс пры прад'яўленні дакумента, які пацвярджае асобу. Сертыфікат ЦТ абітурыент атрымлівае ў пункце, у якім ён праходзіў тэсціраванне, пад подпіс пры прад'яўленні дакумента, які сведчыць асобу, з якім ён праходзіў ЦТ, дакумента аб адукацыі і пропуску з адзнакай «Тэсціраванне прайшоў».

БЕЛТА