У Магілёўскай вобласці выбралі лепшых супрацоўнікаў АМАП і ППСМ

У Магілёўскай вобласці выбралі лепшых супрацоўнікаў АМАП і ППСМ. Пра гэта паведамілі ва УУС Магілёўскага аблвыканкама.

Сёння ў абласным цэнтры прайшоў першы этап рэспубліканскага агляду-конкурсу прафесійнага майстэрства на прыз С.І.Васілеўскага сярод праваахоўнікаў патрульна-паставой службы і атрада міліцыі асаблівага прызначэння органаў унутраных спраў.

У час конкурсу прафмайстэрства ацэньваліся як веды тэорыі, так і практычныя ўменні і навыкі ўдзельнікаў. Пасля іспыту па страявой падрыхтоўцы супрацоўнікі дэманстравалі трапнасць і хуткасць у валоданні табельнай зброяй, уменні прымяняць баявыя прыёмы барацьбы і аказваць першую дапамогу пацярпелым. Падчас спартовага этапу міліцыянты дэманстравалі сваю фізічную падрыхтоўку падчас выканання сілавых практыкаваннях на брусах і бегу.

Па выніках абласнога этапа агляду-конкурсу лепшым сярод байцоў АМАП вобласці аказаўся малодшы лейтэнант міліцыі Біслан Магамадаў. Другое месца ў прапаршчыка міліцыі Андрэя Качанава. На трэцім - капітан міліцыі Яўген Рэнц. Сярод супрацоўнікаў падраздзяленняў патрульна-паставой службы міліцыі ў асабістым першынстве лепшыя вынікі паказалі прадстаўнікі батальёна ППСМ УУС. Першае месца ў прапаршчыка міліцыі Вячаслава Мальцава. На другім - прапаршчык міліцыі Аляксандр Лёгкі. Замкнуў тройку лідэраў малодшы сяржант міліцыі Аляксей Левычанкаў.

На падвядзенні вынікаў спаборніцкага дня прысутнічаў намеснік начальніка УУС Магілёўскага аблвыканкама - начальнік міліцыі грамадскай бяспекі палкоўнік міліцыі Артур Шахлай. Ён павіншаваў пераможцаў з заслужанымі ўзнагародамі.

Праваахоўнікі, якія атрымалі перамогу ў абласным этапе, будуць прадстаўляць Магілёўскую вобласць на рэспубліканскім аглядзе-конкурсе прафесійнага майстэрства.

БЕЛТА