Дэлегацыя Магілёўскай вобласці з працоўным візітам наведала Омскую вобласць

Дэлегацыя Магілёўскай вобласці на чале з намеснікам старшыні аблвыканкама Русланам Страхарам 11-12 чэрвеня з працоўным візітам наведала Омскую вобласць. У склад групы ўвайшлі кіраўнікі ААТ «Магілёўліфтмаш, ААТ «Бабулін гладыш», УЧНВП «Тэхналіт».

У першы дзень дэлегацыя Магілёўскай вобласці сумесна з намеснікам старшыні Урада Омскай вобласці, прадстаўніком Омскай вобласці пры Урадзе Расійскай Федэрацыі Андрэем Шпіленкам усклалі кветкі да мемарыяльнага комплексу ў парку ім. 30-годдзя Перамогі. Далей адбылася сустрэча з губернатарам Омскай вобласці, старшынёй Урада Омскай вобласці Віталём Хаценко. На якім бакі абмеркавалі пытанні гандлёва-эканамічнага і гуманітарнага супрацоўніцтва. Таксама адбыліся перамовы з забудоўшчыкамі, будаўнічымі кампаніямі, арганізацыямі ЖКГ, прадстаўнікамі Рэгіянальнага фонду капітальнага рамонту Омскай вобласці па пытанні паставак ліфтавага абсталявання ААТ «Магілёўліфтмаш», абмяняліся вопытам і азнаёміліся з тэхналогіямі вытворчасці малочнай прадукцыі, праведзены перамовы па супрацоўніцтве УЧНПП «Тэхналіт» з машынабудаўнічымі кампаніямі Омскай вобласці.

Далей омскі бок прадставіў прэзентацыю прамысловых кластараў рэгіёну ў мэтах развіцця вытворчых ланцужкоў і кааперацыі з магілёўскімі вытворцамі.

Юлія Таранава, фота прадстаўлены дэлегацыяй Магілёўскай вобласці