Сучасныя падыходы і формы патрыятычнай працы з моладдзю абмеркавалі на VIII пленуме савета абласной ветэранскай арганізацыі

VIII пленум савета Магілёўскай абласной арганізацыі Беларускага грамадскага аб'яднання ветэранаў адбыўся сёння на базе абласнога мастацкага музея імя П.У. Масленікава. Удзел у яго рабоце прынялі старшыня абласной ветэранскай арганізацыі Анатоль Глаз і начальнік галоўнага ўпраўлення ідэалагічнай работы і па справах моладзі аблвыканкама Кацярына Музычэнка.

На парадак дня былі вынесены пытанні аб рабоце Шклоўскай раённай арганізацыі ветэранаў сумесна з раённым камітэтам ГА «БРСМ», органамі выканаўчай улады па падрыхтоўцы і правядзенні 80-годдзя вызвалення Рэспублікі Беларусь і Перамогі савецкага народа ў Вялікай Айчыннай вайне, а таксама аб унясенні змяненняў у склад рады абласной арганізацыі і іншыя.

«У рамках мерапрыемстваў, якія вызначаны абласной радай ветэранаў па святкаванні вызвалення 80-годдзя вызвалення Рэспублікі Беларусь ад нямецка-фашысцкіх захопнікаў, сёння былі заслуханы справаздача і выступленні старшыняў раённых і гарадскіх арганізацый па гэтым напрамку. Ёсць вельмі цікавыя формы працы, - адзначыў Анатоль Глаз. - І, вядома, лейтматывам дня стала падвядзенне вынікаў абласнога конкурсу па вырабе муляжоў медалёў Вялікай Айчыннай вайны навучальнымі ўстановамі рэгіёну. Вынікі будуць агучаныя пазней - падчас афіцыйнага адкрыцця экспазіцыі, якое адбудзецца ў бліжэйшы час. Гэта першы этап, другі ж (па стварэнні муляжоў ордэнаў) будзе рэалізаваны ў наступным годзе - да 80-годдзя з Дня Перамогі.

Экспазіцыю, якая на працягу месяца будзе размешчана ў музеі імя П.У. Масленікава, змогуць наведаць усе жадаючыя, у тым ліку, экскурсіі будуць арганізаваны для дзяцей з аздараўленчых лагераў. Пасля заканчэння яе дзеяння, работы раз'едуцца па раёнах і гарадах, дзе будуць выстаўляцца ў мясцовых музеях».

Таксама ў рамках правядзення пленума актывістам ветэранскага руху былі ўручаны заслужаныя ўзнагароды.

Юлія Таранава, фота Галіны Гаўрыловіч