Наймацнейшага магіляўчаніна абяруць у абласным цэнтры 29 чэрвеня

Конкурс «Самы моцны магіляўчанін» пройдзе ў абласным цэнтры 29 чэрвеня. Пра гэта паведаміў начальнік аддзела спорту і турызму Магілёўскага гарвыканкама Дзмітрый Лацянкоў.

«Конкурс асілкаў у Магілёве будзе праходзіць ужо чацвёрты раз. Па традыцыі, удзельнікі прадэманструюць свае сілы ў розных выпрабаваннях, у ліку якіх цяга аўтамабіля, кантаванне покрыўкі і іншыя», - адзначыў Зміцер Лацянкоў.

Цяпер ідзе прыём заявак на ўдзел у відовішчным спаборніцтве. Выпрабаваць свае сілы могуць паўналетнія мужчыны і жанчыны, у якіх няма супрацьпаказанняў па здароўі.

Заяўкі прымаюцца да 21 чэрвеня на электронную скрыню mogsport@mail.ru або па тэлефоне: +375 (29) 117-90-67 (Viber, Telegram).

У гэтым годзе конкурс разгорнецца на пляцоўцы каля Палаца культуры вобласці. Пачатак а 12-й гадзіне.

БЕЛТА