Заяўкі на ўдзел у конкурсе сацыяльнай рэкламы «Пазнай Беларусь» будуць прымацца да 1 верасня

Заяўкі на ўдзел у IV Рэспубліканскім конкурсе сацыяльнай рэкламы «Пазнай Беларусь» будуць прымацца да 1 верасня. Пра гэта паведамілі ў Нацыянальным агенцтве па турызме.

Мэта конкурсу «Пазнай Беларусь» - папулярызацыя ўнутранага турызму і прыцягненне грамадзян да падарожжаў па Беларусі. Тэма конкурсу ў 2024 годзе - брэнд Беларусі.

Сярод задач конкурсу: фарміраванне пазітыўнага стаўлення да падарожжаў унутры краіны, павышэнне цікавасці да турыстычных рэсурсаў і аб'ектаў, папулярызацыя гісторыка-культурнай, ваенна-патрыятычнай і прыроднай спадчыны Беларусі, уцягванне грамадзян у сацыяльна-культурнае жыццё краіны, а таксама пашырэнне магчымасцей для творчай самарэалізацыі ўдзельнікаў. Намінацыі конкурсу – «Слоган», «Плакат», «Відэаролік».

Прыняць удзел у конкурсе могуць фізічныя асобы (у тым ліку дзеці і навучэнцы), юрыдычныя асобы і індывідуальныя прадпрымальнікі.

Для ўдзелу неабходна падаць заяўку з 1 чэрвеня да 1 верасня. Узнагароджанне пераможцаў адбудзецца 27 верасня.

Конкурс арганізуецца пры падтрымцы Міністэрства інфармацыі, Міністэрства спорту і турызму, Нацыянальнага агенцтва па турызме, Міністэрства культуры і Міністэрства адукацыі.

БЕЛТА