Памер БПМ павялічваецца з 1 жніўня

У Беларусі з 1 жніўня 2024 года павялічваюцца памеры бюджэту пражытачнага мінімуму. Новы памер БПМ будзе дзейнічаць да 31 кастрычніка 2024 года, паведамілі ў прэс-службе Міністэрства працы і сацыяльнай абароны.

БПМ у сярэднім на душу насельніцтва ў параўнанні з яго значэннем, устаноўленым з 1 мая 2024 года, павялічыцца на 3,4 працэнта і складзе Br433.

У сувязі са змяненнем БПМ аўтаматычна пераглядаюцца ўбудаваныя ў сістэму сацыяльнай абароны розныя надбаўкі і павышэнні, а таксама асобныя сацыяльныя выплаты, якія вылічаюцца ад памеру БПМ. Так, пераглядаюцца памеры дзяржаўных дапамог сем'ям, якія выхоўваюць дзяцей, даплаты да пенсій, дапамогі па догляду інваліда І групы або асобы, якая дасягнула 80-гадовага ўзросту, і сацыяльныя пенсіі.

Як зменяцца з 1 жніўня памеры дзярждапамог сем'ям з дзецьмі, расказалі ў Мінпрацы

У Беларусі з 1 жніўня павялічацца даплаты да пенсій

БЕЛТА