Міхаіл Жудро: Прэзідэнт дакладна, сістэмна вызначыў прыярытэтныя і перспектыўныя шляхі развіцця сістэмы адукацыі

Сёння ў Мінску прайшоў Рэспубліканскі педсавет з удзелам Прэзідэнта Беларусі Аляксандра Лукашэнкі. У сходзе бралі ўдзел прадстаўнікі Магілёўскай вобласці.

Рэктар Магілёўскага дзяржаўнага абласнога інстытута развіцця адукацыі Міхаіл Жудро:

- Сёння на пасяджэнні рэспубліканскага педагагічнага савета атрымаў зарад станоўчай энергетыкі. Прэзідэнт дакладна, сістэмна вызначыў прыярытэтныя і перспектыўныя шляхі развіцця сістэмы адукацыі. Вельмі важна, калі задачы ставіць чалавек добра дасведчаны сістэму і неабыякавы да настаўніка. Чарговы раз Аляксандр Рыгоравіч паўтарыў, што школа - гэта храм. За гэтымі словамі стаіць шмат. За перыяд правядзення апошняга педсавета шмат зроблена, аднак ёсць над чым працаваць. Павышэнне прэстыжу прафесіі, сумесная работа па прафілактыцы негатыўных праяў, выхаванне грамадзяніна-патрыёта, адкрыццё прафесій, запатрабаваных эканомікай - асноўныя пасылы Кіраўніка дзяржавы. Усе прысутныя ў зале адчулі найвышэйшую ступень даверу, але ў той жа час адказнасці, ускладзенай Першым на педагогаў.

Галіна Гаўрыловіч, фота ўдзельнікаў педсавета