Галіновая спартакіяда Міністэрства фінансаў пройдзе ў Магілёве

XXVII рэспубліканская галіновая спартакіяда Міністэрства фінансаў Рэспублікі Беларусь, ФСК «Міф» пройдзе ў Магілёве з 6 па 8 верасня.

У мерапрыемстве прымуць удзел 12 каманд.

Каля 300 прадстаўнікоў калектываў будуць удзельнічаць у спаборніцтвах па валейболе, міні-футболе, більярдзе, плаванні, стральбе, настольным тэнісе, летнім мнагаборстве «Здароўе», шахматах.

Спаборніцтвы будуць праходзіць на вядучых спартыўных аб'ектах Магілёва: СК «Алімпіец», ДУ «Футбольны клуб «Днепр-Магілёў», МООСБФСО «Дынама», ГСУСУ «Магілёўскі абласны цэнтр алімпійскага рэзерву па вяслярных відах спорту».

Дарэчы, правядзенне спартакіяды садзейнічае забеспячэнню неабходнага ўзроўню фізічнай і спартыўнай падрыхтаванасці работнікаў для паспяховага выканання імі прафесійнай дзейнасці, захаванню і памнажэнню спартыўных традыцый, стварэнню ўмоў для далейшага развіцця спартакіяднага руху, прапагандзе здаровага ладу жыцця. Удзел у спаборніцтвах дае магчымасць пацвердзіць або павысіць спартыўны кваліфікацыйны ўзровень работнікаў, вызначыць наймацнейшых спартсменаў Міністэрства фінансаў і падведамных арганізацый, а таксама абмяняцца вопытам работы ў галіне фізічнай культуры і спорту.

Рэд.