У Беларусі 26 верасня пройдзе Адзіны дзень бяспекі

У Беларусі 26 верасня пройдзе Адзіны дзень бяспекі. Пра гэта паведамілі ў МНС.

Адзіны дзень бяспекі праводзіцца для таго, каб у чарговы раз акцэнтаваць увагу грамадзян на важнасці ўменняў і навыкаў паводзін у надзвычайных сітуацыях, навучыць тых, хто раней не надаваў значэння гэтаму пытанню, і нагадаць аб тым, што ў сілах і магчымасцях кожнага звесці да мінімуму трагічныя выпадкі.

Ва ўзаемадзеянні з МУС, Міністэрствам аховы здароўя і Беларускім Таварыствам Чырвонага Крыжа ратавальнікі арганізуюць у месцах масавага знаходжання людзей тэматычныя навучальныя пляцоўкі для насельніцтва.

«Важна: могуць быць задзейнічаныя сістэмы апавяшчэння і спецыяльная тэхніка, а таксама праводзіцца эвакуацыя з месцаў з масавым знаходжаннем людзей. Просьба з разуменнем паставіцца да правядзення такіх мерапрыемстваў», - дапоўнілі ў МНС.

БЕЛТА