Акцыя «Дай лесу новае жыццё» па аднаўленні буравальна-бураломных участкаў пройдзе ў Магілёўскай вобласці з 12 кастрычніка па 12 лістапада

Міністэрства лясной гаспадаркі правядзе акцыю па аднаўленні ветравальна-бураломных участкаў «Дай лесу новае жыццё». Аб гэтым паведамілі ў прэс-службе ведамства.

Кампанія пройдзе з 12 кастрычніка па 12 лістапада. Прыняць удзел у ёй зможа кожны ахвочы. Падчас акцыі грамадзяне змогуць паўдзельнічаць у аднаўленні ветравальна-бураломных участкаў у Гомельскай і Магілёўскай абласцях, якія найбольш моцна пацярпелі ў выніку разгулу ліпеньскай стыхіі.

Вось ужо некалькі месяцаў больш за 3 тыс. работнікаў лесагаспадарчых устаноў краіны, нягледзячы на ўмовы надвор'я і іншыя цяжкасці, аператыўна ўстараняюць наступствы стыхіі ў лясным фондзе. За гэты час распрацавана асноўная маса лесасек, якія патрабавалі правядзення суцэльных санітарных высечак, а ўчасткі падрыхтаваны пад лесааднаўленне.

Мінлясгас запрашае кожнага жыхара краіны зрабіць свой унёсак у аднаўленне лясоў Беларусі. Для ўдзелу неабходна звяртацца ў лясгасы Гомельскай і Магілёўскай абласцей, каб запісацца ў рады добраахвотнікаў.

БЕЛТА