У Беларусі пачалася рэгістрацыя на рэпетыцыйнае тэсціраванне

У Беларусі пачалася рэгістрацыя на рэпетыцыйнае тэсціраванне, паведамілі ў прэс-службе Міністэрства адукацыі.

Праверыць веды можна ў тры этапы. Першы пройдзе з 18 кастрычніка па 12 снежня.

«Жадаючыя змогуць здаць тэсты па 15 прадметах: беларускай, рускай мовах, матэматыцы, фізіцы, хіміі, біялогіі, англійскай, нямецкай, іспанскай, французскай, кітайскай мовах, гісторыі Беларусі, грамадазнаўстве, сусветнай гісторыі (навейшы час), геаграфіі», - расказалі ў ведамстве.

Другі этап адбудзецца ў студзені - лютым 2025 года, трэці - з сакавіка па красавік. Падрабязную інфармацыю можна знайсці на сайце Рэспубліканскага інстытута кантролю ведаў.

БЕЛТА